{"id":11289,"date":"2015-06-21T18:40:59","date_gmt":"2015-06-21T17:40:59","guid":{"rendered":"http:\/\/www.argia.eus\/blogak\/zero-zabor\/?p=11289"},"modified":"2015-06-21T18:40:59","modified_gmt":"2015-06-21T17:40:59","slug":"frantzisko-aita-santua-zero-zabor-eta-ekonomia-zirkularraren-alde","status":"publish","type":"post","link":"https:\/\/blogak.argia.eus\/zero-zabor\/2015\/06\/21\/frantzisko-aita-santua-zero-zabor-eta-ekonomia-zirkularraren-alde\/","title":{"rendered":"Frantzisko aita santua Zero Zabor eta ekonomia zirkularraren alde"},"content":{"rendered":"
\"Jorge<\/a>

Jorge Mario Bergoglio kartoneroei<\/em> meza ematen (ikusi aldarearen aurrean hondakinak biltzeko zaku handia) Argentinan apezpiku zelarik. (Argazkia: Cari Nazabal)<\/p><\/div>\n

[Pello Zubiria Kamino<\/em>] Jorge Mario Bergoglio<\/span> katolikoen aita santu argentinarra Zero Zabor ereduaren alde mintzatu dela eta bere zoriona azaldu du Zero Waste Europe (ZWE) federazioak: “Pope Francis Embraces Zero Waste<\/a><\/em>“. ZWEk balorazio hau egin du irakurri ostean Frantziskok argitaratu berri duen Laudato Si<\/em><\/a> entziklika berria.<\/p>\n

Entziklikak dioenez, “Lurra, gure etxea, gero eta gehiago ari gara bihurtzen zabortegi erraldoi bat (….) hau oso loturik dago zaborraren kulturari eta honen eraginez bazterrean lagata uzten dira gizakiak berak ere gauzak fite zabor bilakatzen direnean”. Aita santuak esan du ekosistema naturalek borobilean biltzen dituztela elikagaiak eta energia, baina gizakiek “oraindik ez dute lortu produkzioa eredu zirkular batean antolatzea etorkizuneko belaunaldi guztientzako baliabideak segurtatuz”. Horregatik dei egin du energi iturri ez berriztagarrien kontsumoa mugatzeko, kontsumo ereduak moderatzeko eta berrerabilpena eta birziklatzea handitzeko.<\/p>\n

Entziklikak bereziki aipatzen ditu toxikoen garrantzia eta horiek gizakiaren osasunerako eta ingurumenerako dauzkaten arriskuak, eta klimaren aldaketa ere bai. Gaiotan Frantziskok azpimarratu du jende ahulenak direla ingurumen arazo gehienak pairatu behar dituztenak, eta horregatik ingurumen arazo izateaz gain justizia sozialeko arazo ere badirela.<\/p>\n

ZWEren idatziak dio bukaeran: “ZWEk ongi etorria egiten dio Frantzisko aita santuaren entziklikari eta bere poza adierazten du gero eta zabalagoa delako hondakinak xahutzen dituzten gure gizarteak zero zabor gizarte bihurtzearen inguruko kontsentsua. Paul Connetek esan ohi duenez, ‘Jainkoak birziklatu egiten du, deabruak kiskali'”.<\/p>\n

Argentinarra izanik, kaleetan hondakinak bildu, sailkatu eta birziklatzen dituzten jendeek oraindik indar eta mobilizazio ahalmen handia duten herrialdekoa, Jorge Mario Bergoglio lehen ere publikoki azaldu da hondakin gaiez zorrotz hitz egiten. 2013ko abenduaren 5ean Argentinatik iritsitako txatar biltzaileei egindako harreran baimena eman zien bideo hau grabatu eta zabaltzeko: “Mensaje del Papa Francisco para los Cartoneros y Recicladores del Mundo<\/a><\/span><\/em>“. Baietz, Frantzisko Zero Zabor<\/em>.<\/p>\n