{"id":12862,"date":"2016-05-06T09:23:36","date_gmt":"2016-05-06T07:23:36","guid":{"rendered":"http:\/\/www.argia.eus\/blogak\/zero-zabor\/?p=12862"},"modified":"2016-05-06T09:23:36","modified_gmt":"2016-05-06T07:23:36","slug":"rossano-ercolini-errausketa-iragana-da-etorkizuna-behar-dugu","status":"publish","type":"post","link":"https:\/\/blogak.argia.eus\/zero-zabor\/2016\/05\/06\/rossano-ercolini-errausketa-iragana-da-etorkizuna-behar-dugu\/","title":{"rendered":"Rossano Ercolini: “Errausketa iragana da; etorkizuna behar dugu!”"},"content":{"rendered":"
\"Larunbatean,<\/a>

Larunbatean, maiatzak 7, Hernanin hitz egingo du Ercolinik eta igandean Zubieta eta Usurbil bisitatuko.<\/p><\/div>\n

Hernaniko Kronika<\/a> egunkariari eskainitako elkarrizketan Rossano Ercolini Europako Zero Waste mugimenduko lehendakariak gaitzetsi du Gipuzkoan agintariek berriro erraustegia eraikitzen hasteko asmoa: “Errausketa zaharkitutako tekno\u00adlogia da, etorkizuneko baliabi\u00addeak alferrik galtzen dituena. Era berean, kutsadura iturri haundia da, eta ondorioz, gure osasuna eta ingurugiroa babesteko beha\u00adrra daukagu”.<\/p>\n

Kronikaren webgunean osorik<\/a> leitu daitekeen elkarrizketaren beste pasarte batzuetan dio Ercolinik: “Errauskailua baldin badaukazu, ez dago baliabiderik gaikako bilketarako eta praktika onetarako. Errausketa iragana da, eta etorkizuna behar dugu! Era berean, beharrezkoa da baliabide natural eskasiari aurre egitea, materialak berreskuratuz, eta ez, errez. (…) Osa\u00adsun ara\u00adzoei dagokienez, be\u00adrriz, saihestu badaiteke, arris\u00adku\u00adrik txikiena hartzea ere ez da onar\u00adgarria. Beraz, osasuna, in\u00adgu\u00adrugiroa eta ekonomiarentzako errausketa bai\u00adno aukera hobeak badaude, zergatik sustatu en\u00adpre\u00adsa batek bultzatzen duen horrelako tek\u00adno\u00adl\u00adogia garestia?”.<\/p>\n

Larunbatean, maiatzak 7, Hernanin hitzaldia<\/a> emango du Ercolinik, Hernanin Zero Zabor taldeak eta udalak deiturik, herrian Atez Ateko bilketak sei urte betetzen dituela eta. Herriari buruz esan du Ercolinik: “Hernaniri buruz hitz egiten dudanean, bai Europan eta baita beste herrialde batzuetan ere, azpimarratzen dut Europako jarduera onena dela, emaitzei dagokienean, eta jendearen parte-hartze eta inplikazioan. Hasteko, Hernani, eta Zero Zaborren aldeko Euskal Herriko beste herri batzuk, eredu dira Espainian, beste herri askotan ez baitira ari ohitura onenak hartzearen alde”.<\/p>\n

Igandean goizean, Italian errausketaren aurkako eta Zero Zabor ereduaren aldeko mugimenduaren liderra den Ercolinik bisitatuko ditu Zubieta eta Usurbil, 2009an Atez Atekoa ezarri zuen lehen herria.<\/p>\n

2013an Goldman Prize ingurumen sari ospetsua eman zioten Ecoliniri, euskarazko azpitituluak daramatzan bideo honetan erakusten denez:<\/p>\n