{"id":13006,"date":"2016-05-26T06:58:46","date_gmt":"2016-05-26T04:58:46","guid":{"rendered":"http:\/\/www.argia.eus\/blogak\/zero-zabor\/?p=13006"},"modified":"2016-05-26T06:58:46","modified_gmt":"2016-05-26T04:58:46","slug":"debagoienako-itunak-eskatu-du-gaikako-bilketa-euskal-herri-osora-zabaltzea","status":"publish","type":"post","link":"https:\/\/blogak.argia.eus\/zero-zabor\/2016\/05\/26\/debagoienako-itunak-eskatu-du-gaikako-bilketa-euskal-herri-osora-zabaltzea\/","title":{"rendered":"Debagoienako itunak eskatu du gaikako bilketa Euskal Herri osora zabaltzea"},"content":{"rendered":"
\"Alderdi,<\/a>

Alderdi, sindikatu eta mugimendu sozialetako kideak maiatzaren 24an Debagoienako Ituna sinatzen Arrasaten. (Argazkia: Gontzal Landa)<\/p><\/div>\n

Debagoiena Eredu, Zabortegirik ez! plataformak deituta, mugimendu, alderdi eta sindikatuen ordezkaritza zabal batek ekitaldi publikoan sinatu dute “Debagoieneko Ituna” Arrasate. Agiriaren puntuetako batean proposatzen dute Debagoieneko eredua Gipuzkoara eta Euskal Herri osora zabaltzea, Europari begira erreferente bilakatzeko.<\/p>\n

CCOO, ELA, LAB, ESK, Esteilas, Ahal Dugu, EH Bildu, Irabazi, Gorripidea, Eguzki, Ekologistak Martxan eta Zero Zaborrek maiatzaren 24an sinatu duten agiriak [EAJk azken orduan ez sinatzea erabaki duenak] dio, hitzez hitz:<\/p>\n

Debagoieneko ituna<\/strong><\/p>\n

\u00a0Jakina den moduan, hondakinen kudeaketak bi fase ditu: bata, bilketa eta bestea, bildutako hondakinei tratamendua ematea. Lehenak hurrengoa baldintzatu egiten du. Hondakinak gaika bilduz gero, birziklagarriak diren materialak berreskuratu egiten dira. Hondakinak nahasirik bilduz gero ordea, ezin direnez berreskuratu, hondakinak zabor bihurtzen dira.<\/p>\n

Debagoieneko eskualdeak erakutsi du %80 gaika bildu daitekeela oso epe laburrean. Arduradun politikoek gatazka egoera gaindituta, herritarrei mezu egoki eta bateratua bidali diete: etxeetan hondakinak sailkatzea nahitaezkoa da eta gainera erraz egiten da. Herritarrak berehala jabetu dira zentzuzkoa dela gaika biltzea eta gaur egun Gipuzkoa osoan eta baita Europa mailan ere jarraitu beharreko eredu gara.<\/p>\n

Hau guztia kontuan izanda, itun hau sinatzen dugun eragile sozial eta politikoek honako hau adierazi gura dugu:<\/p>\n

1.- Osasuna eta ingurumena<\/strong> dira lehenesten ditugun irizpideak.
\n<\/strong>2.- Elkartasun eta erantzukizun frogarik handiena bakoitzak etxean sailkatzea da, eta ekintza xume horrek besteekiko, planetarekiko, ardura eta begirunea<\/strong> adierazten du bete-betean.
\n3.- Debagoienean frogatu dugu %80 gaika bildu daitekeela eta epe oso laburrean <\/strong>lortu daitezkeela emaitza horiek.
\n4.- Debagoienean egin badugu, beste edozein lekutan egin daiteke. Beraz, Gipuzkoara eta Euskal Herri osora zabaldu nahi dugu gure eredua<\/strong>, Europari begira, erreferente bilakatuz.
\n5.- Emaitzak etengabe hobetzeko konpromisoa<\/strong> hartzen dugu.<\/p>\n