{"id":6451,"date":"2013-11-11T10:15:21","date_gmt":"2013-11-11T09:15:21","guid":{"rendered":"http:\/\/www.argia.eus\/blogak\/zero-zabor\/?p=6451"},"modified":"2013-11-11T10:15:21","modified_gmt":"2013-11-11T09:15:21","slug":"4-843-eta-luzerako-polemika-bergaran-hondakinez-egindako-galdeketan","status":"publish","type":"post","link":"https:\/\/blogak.argia.eus\/zero-zabor\/2013\/11\/11\/4-843-eta-luzerako-polemika-bergaran-hondakinez-egindako-galdeketan\/","title":{"rendered":"Atez Atekoaren kontrako Bergarako 4.771 botoen irakurketa bat"},"content":{"rendered":"

[Pello Zubiria Kamino<\/em>] Onena, hasieratik hastea. Hona gaur hedabideek Bergara Garbiak Atez Atekoaren kontra antolatutako galdeketaz eskaintzen dituen titularrak (berriak agertu ahala gehituko ditugunak):
\nGoiena<\/em>: “4.843 boto jaso dituzte hondakinen bilketaren gaineko Bergarako galdeketan<\/a>“, “U<\/a>dal Gobernu taldearentzat ‘gaizki planteatutako galdeketa’ izan da<\/a>“, “Bergara Zero Zabor: ‘Dozenaka arau hauste ikusi ditugu’<\/a>”
\nNoticias de Gipuzkoa<\/em>: “El 98% de los votantes en Bergara rechaza el sistema ‘puerta a puerta’<\/a><\/em>“, “Las consultas de Igeldo y Bergara obtienen un gran respaldo popular<\/em><\/a>”
\nGara<\/em>: “La consulta de Bergara Garbia logra escasa implicaci\u00f3n y Zero Zabor la tilda de ‘pucherazo’<\/a><\/em>”
\nDiario Vasco<\/em>: “Rechazo rotundo al puerta a puerta en Bergara en la consulta popular<\/em><\/a>“.<\/p>\n

Galdeketak datu batzuk utzi ditu ezagutu direnak: boto kopuruak. Asko ala gutxi izan dira? Eman diren 4.843 botoek egiten dute zentsoaren %41,7. Parte hartzea ezin da kalitatez konparatu Igeldon egun berean izandako beste galdeketarekin (zentsuaren %72,1) eta ezta ere kantitatez Atez Atekoaren kontra Legazpin aurten bertan egin zenarekin (han zentsuaren erdiaren botoak bildu ziren). Asteburuan bildutako 4.843 botoetatik 4.771 izan omen dira 5. edukiontziaren aldekoak; 2012ko udaberrian 4.691 sinadura bildu zituen plataforma berak Atez Atekoaren kontra.<\/p>\n

Horiek badira ezagutarazitako datuak, ezagutu gabeek ez dute garrantzia txikiagoa: benetako datuak zeintzuk dira?\u00a0 Ez dakigu horiez Juan Antonio Perez Dapena notarioak<\/a> argibide gehiago emango duen. Itxura batera, galdeketaren kalitate onaren fede emateko kontratatu zuten. Asteburukoan pittin bat, erdizka ala osorik errepikatu ote da 2012ko udaberrian Bergara Garbiak aurkeztutako 4.691 sinaduren eskandaloa? Ezin da bestela deitu horien artean ez bat edo dozena eta erdi baizik eta 600 sinadura errepikaturik egotea (ikus “Polemika Bergaran Atez Atekoaren kontrako sinaduren bilketa dela eta<\/a>“).<\/p>\n

Bilduren kontrario itsua ez den edonork onartuko du Bergarako udal gobernuak arrazoi duela dioenean “gaizki planteatutako galdeketa<\/a>” izan dela. Zerikusirik ez Igeldon egin dena bezalako batekin. Edozein gipuzkoarrek daki aspaldidanik Diario Vasco<\/em>k ardo bihurtu dezakeela errekako ura bera, baina herri galdeketen estandarra ez litzateke apaldu behar eskrupulorik gabeko komunikatzaile horizten babesak harrotuta. Ez du pozik ematen Interneten “Bergara Garbiaren fartsa<\/a>” bezalako lekukotasun bat ikusteak: lotsarazi\u00a0 beharko gintuzke.<\/p>\n