Amaitu zait heriotza. Bihar hil ostean berpiztuko naiz eta oraingoan betirako.
Zuetako batzuk jakingo duzue nire azken hilabete hauetako isilunearen zergatia. Beste batzuek aldiz, post honen izenburuaren zergatiaz galdetzen jarraituko duzue. Bihar hil egingo naiz berpizteko asmoz, horra hor titularra.
Diskrezioz mantendu nahi izan dut, publikoki behintzat, nire Siriako bahiketarena. Artikulu bat Zazpikan, komentario batzuk han eta hemen, baina besterik ez dut egin nahi izan. Heriotza eta bakardadea bizi ostean, zer gertatu zitzaidan kontatzeko indarrak, lehenago ez bezala, joan eta etorri egiten ziren. Besteen istorioak kontatzeko enpatia bila beti eta orain nirea kontatzeko indarrik eta adorerik ez. Gertakizunetatik areago dihoan esperientziarik ezin kontatu. Horra hor bizitakoaren itomena.
Gaur 31 urte min emanda jaio nintzela. Bihar aldiz, lehenbizikoz hil eta azkenengoz berpiztuko naiz, oraingoan betirako, eta minik eman gabe. Barkatu famili eta neska, baina bihar hil eta berpiztuko naiz! Betirako berpizteko, bihar hil egingo naiz! Bihar…
2 Iruzkin
Aupa Andoni,
Dakidan gutxiagatik, bizi izandako hura itzela izan zen, zeuk jakingo duzu inork baino hobeto. Aurrez aurre elkar ezagutzen ez dugun arren, animo zure heriotza eta berpizkundearekin eta besarkada bat.
Gaur ez dut ezer lortu…
eta bihar, benetan hiltzen banaiz,
ez dut beste eguneroko hilketez deusik nabarituko,
dena izango da berdin:
Zuen urratzen berdintasunaz konturatuko naiz;
beste izen batzuekin,
kolorea aldatuz,
beste fetxa batzuekin,
baina harri berbera zapaltzen,
betiko bide berbera,
gizona gidatuko duen izan on eta eder batek irekia…
bere hilzoria…
Bitxu Arriola, bihar zurekin egongo naiz.
Bihar hil egingo naiz, gaur bezela, atzo bezela…