Ehunka mila lagun kalera atera dira AEBetako 1.800 herri baino gehiagotan eta Mexikoko hainbat hiritan, Trumpen autoritarismoaren, baliabide publikoen xahutzearen, migratzaileen sarekaden eta deportazioen, murrizketa publikoen… aurka. “Mugarik gabeko gobernua da, monarkien antzera”. Bitartean, “erregeak” 100 milioiko desfile militarra oparitu dio bere buruari bere 79. eta armadaren 250. urtebetetzeengatik. Herrialdeko beste mutur batean, muturreko kristau ebanjeliko batek, poliziaz mozorrotuta, oposizioko bi biltzarkide hil ditu tiroz. Asteburu arrunt bat neofaxismoaren epizentroan (Israelen baimenarekin).
Argazkia: Kaliforniako San Frantziskon / T. Coskun – Getty Images
Testua: Axier Lopez