Argazkia: Irantzu Pastor (Isralego armadaren helikopteroa Negeven)
Testua: Mikel 'Anestesia' Kazalis, Matxura musika taldeko kidea

basamortua zure etxea
etxerik ez basamortuan
hautsa hauts gainean
hauts bihurtuko gara…

bwana sasikumeak
guztiaren jabeak
lurralde basatiak
zibilizatu behar

zerutik dator uholdea
baina zuen ur berberetan
itoko zarete
tantaz tanta

gorrotoaren ahotsa
entzuten dudan bakarra da

lur askoren gainean
suak landatzen du bere hazia
eta fruitua jasotzerakoan
lurra basamortu bihurtu da

etorkizuna beltza da
haien urrea bezala

zuria eta beltzaren arteko
borrokan grisa da
gehien sufritzen duena

odola beti gorri

hautsa hauts gainean
hauts bihurtuko gara

pentsatu