Komikia ere digital, eta Saure bidea urratzen

Asko ari gara liburu digitalaz prentsan, baina orain arte, letra hutsez egindako literaturak hartu du albisteetan protagonismo erabateko, absolutu eta totala. Komikiak ere bide barrijak hartuko ditu ordea, eta ez legoke gaizki arreta pixka bat eskaintzea. Eta zer hoberik euskal argitaletxe baten ekimenari erreparatzea baino?
Atzo goizean jakin nuen Saurek hemendik aurrera liburu guztiak digitalean zabalduko dituela. Eta aurrenekoa, Edorta Corpasek, Victor Araquek eta Iñigo Sarasolak egindako Newton, Torrijo superordenagailuaren aurka, doan deskargatzeko moduan jarri dute euren webgunean.
Isaac Newton aurkituko duzu komiki horretan. Baina gaur egungo munduan bizi den Newton: esperimentu bati esker berpiztu dute eta hara non dabilen, XXI. mendean, eskuko telefonoekin eta espageti elektronikoen kiribilgailuekin ezin konponduta.
Garai arraro hauetara ekarrita, dena da diferente. Honezkero, Isaacek ez du arbolatik eroritako sagarren beldurrik… baina Apple markako ordenagailuak ere, ez dira makalak buru gainera eroriz gero.
Gehiago gura duenak, argibide sinple-sinple batzuk jarraituta deskarga dezake komikia. Segapotoak prest?