Agur Intxorta maite-rekin 36ko gerrako errepertorio (niretzat behintzat) ezezaguna berreskuratu zuen mende honetako euskaldunontzat, eta hurrengo diskoan XIX.era bidaiatuko du. Irailean izango da kalean Joseba Tapiaren Eta tira eta tunba, 23 kanta, Bigarren Gerra Karlistako bertsoak musikatuta.
Dagoeneko webgunean zintzilikatu du pieza berrietako bat. Karlistaren panparroikeriak du izena. Aurreneko entzunean Emir Kusturica etorri zait burura; disko osoa entzun behar. Horretarako xantza, maiatzaren 28an, Usurbilgo Sutegi kultur etxean, 20:30. Edo ekainaren 4an, Larrabetzun, Literaturiaren aurreneko egunean.