Gaur osteguna da eta dagoeneko ohitura bihurtu da ETB3ren ikusleontzat Zinemateka saioaren aurrean paratzea. Film onak bertsio originalean, euskarazko azpitituluekin. Eta ondoren tertulia. Gaur, adibidez, Julian Schnabel-en Lou Reed’s Berlin botako dute. Aurreko batean Jon McNaughtonen Henry: portrait of a serial killer filma pasa zuten eta blog honen egilea gonbidatu zuten ondorengo solasaldira, Joseba Gorordorekin eta Amaia Beitiarekin batera, Amaia Cayeroren gidaritzapean. Interneten ere jarri dute bideoa. Jarraian duzue tertuliak eman zuena.