Ez dago Game Overrik
gure pantailetan
apurtutako bragak
dira gure etorkizuneko
bandera
eta astintzean
orgasmorik ederrenean
garaitzen ditugu
loredun horma zuriak.
Bandera bakarra gudan,
guda bakarra banderan.
Eta guk,
inutilok,
argi fosforeszenteak salbazio direlakoan,
deabruek jartzen gaituztenean dantzan,
bekatuak konfesatzeko.
Madarikatuak ume jaio berrien
odoletik edaten dutenak!
Madarikatuak 8 urteko nesken gernua
bedeinkatzen duzuenak.
Game Overrik ez
gure erlojuetan.
Denborak odolkiak erditzen ditu
desesperatuta.
Eta guk kaka egiten dugu barrikadetan,
suak luzaro iraun dezan.
Izan gaitezen serioagoak
mesedez
