Oinutsik asfalto gainean
txingurri eta eltxorik gabe
gure terrenoan.
Eguzki diagonala
orri koadratuetan
itzalak etzaten.
Etxe atariko argia pizturik
bonbilari deskantsua noiz emango zain
Boligrafo urdinak idatzita ditu
barruan letra, poema eta nobela oro.
Paperak kontra egiten dio.
Haizeak iparraldetik joko balu
ez nituzke erre aurreko letrak idatziko
arropak garbitzen dauden bitartean.