eta are gutxiago orain, Lazkao Txikik zioen gisan: politikan ez dago gauza politikan. Francisco Lopez izendatuko dute lehendakari seguruenera eta garai zailagoak datorzkigu euskaldunoi, euskaradunoi. Horregatik diot nik, une hau probestu behar dugula:
1. Aukera bat delako azken urteetako dekadentzia etengabeari frenoa jartzeko
2. Galtzeko lehen baino gutxiago dugulako
3. Batasun premian guztiok gaudelako
Horretarako ezinbestekoa da niretzat:
1. Umiltasun politikoa izatea, inor ez da ezeren ez inoren zentro izango
2. Politika egitea bideragarri izatea, gero eta indar gutxiagoz jotzen duen indarrari atseden emanez
3. Aterabidea gu guztion eskuetan dagoela sinestuz, behingoz urte luzeetan motibatu, ilusionatu, indartuko gaituen proiektu bat sortzea
Hor dago nire ustez klabea: ilusionatzea. Etorkizuna argituko duen proiektu motibagarria behar dugu lana indarrez egiteko. Eta hori lortzeko ez dago horrelako krisi ekonomiko eta politikoa baino parada egokiagorik. Hemendik urte batzuetara urte hauek klabe, inflexio puntu izan zirela esan dezaten, dezagun.
3 Iruzkin
iraultzak eman izan diren garaiak egoera oso larri baten erantzunak izan dira… eta horretxegatik pozten naiz krisi ekonomiko, balore krisi eta politiko merkeen garai honetaz… ea gauzak okerrera egiten duten behingoz herria esnatu eta hitza har dezan… mantxo eta gozo akabatzea baino heriotza okerragorik ez dago… hiltzen ari zarela konturatu gabe hiltzea baño heriotza okerragorik ez dago… Sartu dadila patxi lehendakari… eta itxi ditzala ikastolak, itxi ditzala gaztetxeak, itxi ditzala liburutegiak, egunkariak … eta orduan…. orduan bakarrik… (eta agian)… konturatuko gara. eta orduan behingoz gure bizitza guk geuk bizitzeagatik borrokatzen hasiko gara. eta hasten ez bagara behintzat kolpera hilko gara. eta hil da gero salda bero.
amen
Amen. Denak hemen.