Bizitza instante bat dek
eta eternitatea.
Bizitza itsaso ezezagunetara nabigatzen duen
botila bat dek
mezua berridazten duena
olatuz olatu.
Bizitza zerbeza hotz bat ere badek
edo intuizio bat
edo trumoia
suzkoa
elektrikoa
mingarria.
Bizitza, Manex, itxi gabeko zirkulua dek,
hari bat:
eusten gaituen
gidatzen gaituen
asmatzen gaituen
mugak zirriborratzeko.
Eta plazer handia dek
ohore unibertsala
hirekin urratzea bizitzaren openstreetmapak
goazen portura goazela
konpainia noblean
egiten dugulako
dudalako
instante bat
eternitate bat
izanagatik.
1 Iruzkin
muxu bi manexi !