Ama, erditzerik gabe

27a egun handia da 27zapatarentzat. Gaurko eguna ere bai. Abuztuak 27 baita. Baina ez horregatik bakarrik. Gaur bertan jaso dut Gipuzkoako Diputazioaren gutuna, esanez, Ibrahim harreran behin-betiko ematen didatela eta nire ardura dela orain bera zaintzea. Gure gurasoek egin dituzte orain arte harrera lanak.  Niri eta nire anai-arrebei tokatuko zaigu orain.

Handia da mutila. Handi egin nau ni ere. Hain handi non hemendik aurrera, pixka bat ama izango naizen, eta pixka bat aita, eta pixka bat anai, eta batez-ere-batez-ere lagun.

Berlin Ondon izango gaituzue zain bisitatu nahi gaituzuenok.