Nahiago dut izan
berdea
arrosa beltz puntuekin
laranja argia, iluna, distiratsua
gorria
urdina orbain horiekin
beltza
beltza
beltza
Zuria izatea baino.
Gustatuko zaizkit edo ez
beldurtuko naute edo ez,
maiteko
loriatuko
gorrotatuko ditut edo ez.
Baina zuria dena
etxeko horma txuria bezala
inprimatu gabeko orria bezala
hutsik dago:
ez da ez hotza ez epela
ez kabroia ez laguna
ez lapurra ez eskuzabala
Ez da ezer: zuria bakarrik.
Herri honetan zuriegiak gara hori horrela ez dela konturatzeko.
Gureak hondartza zuriegiak direla ez konturatzeko.
1 Iruzkin
mundu koloretsua jende koloretsuarentzat….. ala jende koloretsua mundu koloretsuarentzat…. edo agian jende koloretsua mundu zuriarentzat…. edo jende zuria kolorez beteriko munduarentzat….
edonola ere…. bizipoza!!!