Azken modako antiojuekin joaten gara hondartzara
kioskoetako azken aldizkariekin
ofertarik gabeko txankletekin
zetazko toallak jantzita.
Eta hartzen dugu eguzki beroegia
lo behartuan,
hitz egiten dugu olatuen aparraz,
musean jolasten karta markatuekin.
Umeek ur izkinan egindako
hondarrezko gazteluak erortzen diren bezala,
hiltzen ditugu arratsaldeak
ekainaren amaieran.