Komuneko paperean XV

Etzan negarrik egin. Ez, maitea.

Ez din merezi. Egunero

prostituitzen den mundu honek

ez din malkorik merezi. Ez errukirik.

 

Emaion beste trago bat whisky merke honi.

Eta kantuan egingo dinagu;

begiratua gorantz baina ez harrokeriaz.

 
Astiro-astiro, labana bat eskuan, elkar besarkatuko gaitun,

eta biluzturik belaunikatuko.

Eta besoak buruaren jiran ditugula, ebakiko zionagu

elkarri zintzurra.

 

Goazeman hemendik, maitea