Kontzertua: “Begia buru-belarri”. Zentzumenen fusioa: Musika ikusteko esperientzia berritzailea.

Atalak: Hitzak

Asier Agirre, txistu irakasleak eta soinu eta irudian berezitutako telekomunikazio ingeniari teknikoak, kontzertu honekin bukatuko ditu txistuko goi mailako ikasketak. Bere bi ezagutza hauek uztartu ditu ikusentzunezko kontzertu berritzailea sortzeko. Kontzertu honen helburua da publikoari eskeintzea gure zentzumenek musika entzutean izaten duten lotura eta harremana. Ez-ohiko proiektua da, berria, zeinean propio prestatutako konfigurazio informatikoaz eta zuzeneko kontzertuaz baliatzen den musika ikus daitekeela erakusteko.

Kontzertuak 6 obra ditu, musika estilo ezberdinetakoak (klasikoa, jazza, tradizionala, garaikidea…). Bertan txistua da nagusi musika tresna anitzez lagunduta (pianoa, organoa, guitarra elektrikoa, baxu elektrikoa, bateria…). Kontzertuaren baitan, ikusentzunezko muntaiaz aparte, sinestesia duen pertsona batek (soinuak entzuterakoan irudiak ikusten dituenak) zuzenean marraztuko du obrak entzutean ikusten duen hori.

Kontzertua ekainaren 4an, asteazkena, 19:30etan Nafarroako Goi Mailako Kontserbatorioan izanen da.

GONBIDATUTA ZAUDETE!!!!