Gure egunerokoan askotan ez diogu garrantzirik ematen, baina etxeko komuneko atea kanpotik irekitzeko aukera izatea ezinbestekoa da.
Larrialdi-zerbitzuetan lanean gabiltzanok adibide ugari ikusten ditugu: adineko pertsona bat zorabiatu dela, norbaitek bainuontzian irrist eginda kolpe gogor bat hartu duela edo ume txiki batek kisketa jarri eta gero kentzen ez dakiela. Horrelakoetan, suhiltzaileei deitu behar izaten zaie atea bortxatzeko; ondorioz, momentu estuak, alferrikako ikara, denbora-galera eta kalte materialak sortzen dira.
Arrisku horiek guztiak oso erraz saihes daitezke aurretiaz. Kisketa behin betiko baliogabetu edo kanpotik ireki daitekeen sarraila jarri, adibidez txanpon batekin erdi buelta emanez.
Ez utzi bihar arte eta moldatu mekanismoa berandu baino lehen, etxean segurtasuna eta lasaitasuna klik bakar batean izateko.
53. sarrera.
