Tximeletak

Atalak: Egunerokoa

Kabulgo OMAR lehergailuen museoan Ahmadin museoko arduradunarekin elkarrizketa.

Tximeletak

Zer dira hauek?

PFM-1 infanteriaren kontrako lehergailuak dira. “Tximeletak” ere deitzen diegu. Errusiarrek egiten dituzte.

Lur azpian “landatzen” al dira hauek ere?

Ez, gerra garaian errusiarrek hegazkinetatik botatzen zituzten. Asko daude oraindik Afganistan osoan zehar. Ba al dakizu zergatik diren kolore ezberdinekoak?

Zuk esan

Urtaroen arabera aldatzen dira: zuria neguan, berdea udaberrian eta marroia udan eta udazkenean.

Bale

Arazoa zera da, umeek hartu egiten dituztela, jostailuak direlakoan. Halakoetan, hatzamarrak galdu eta itsu gelditzen dira.