Echelon, Prism, Snowden… puzzlea osatzen ote goaz?

Atalak: Interneta

Edward Snowden hizketan hasi zenetik, medio guztietan Echelon, Prism, Ukusa etabarri buruz informazioa zabaldu da. Link hauek wikipediatik hartu dira. Era berean, El Pais edo Le Monde-n

Hau zabaltzen ari bada, zer gordetzen ari ote dira?

Ascension Irla – Echelon

Bigarren Gerrate Mundialaren ondoren, Estatu Batuak, Ingalaterra, Australia, Zelanda Berria eta Canadak, defentsarako, komunikazioak espiatuko zituen sistema bat osatu zuten. Ondoren, Guda Hotza zela eta, proiektu hau egonkortu eta indartu zen.

Arrazoi militarrez gain, estrategia ekonomiko eta politikoetarako ere bere probetxua ikusirik, informazio guzti hau xahutzeko erramintetan inbertitu zen.

Internetaren bilakaerarekin aukera paregabea sortu zitzaien: ez da kasualitatea interneta gero eta zentralizatuagoa egotea. Eta beste sarrera honetan ikusi genuen bezala, infraestrukturak komunikazio-multinazionalen eta gobernuen baldintzetara egokituta daude.

Microsoft, Google, Apple, Youtube, Facebook, Twitter eta gisa honetako zerbitzuek ez dute gorde izan mota honetako interbentzioekin kolaboratu izana. Egia esan betidanik iruditu izan zait harrigarria nondik atera izan duten honelako infraestruktura ikaragarriak sortzeko dirua.

Eta zerbitzuak baino barnerago begiratzen badugu, hardwarera, berdin ikusi ahalko dugu, komunikazioak, firewallak, zifratzeak, enkriptatzeak, guztiak bostpasei konpainiarekin egiten ditugula: Cisco, Juniper, Checkpoint, PaloAlto, etab.

Etor gaitezen Euskal Herrira.

Wikipedian, “Echelon en España” atalera jaisten bazarete ikusiko duzue nola erabili izan duten informazio hau gainontzeko herrialdeek ere nahi izan dutenean.

Ez dute guri hainbestetan erakusten dizkiguten onartu beharreko baldintzak eskatu beharrik ere. Hala ere guk dena onartzen dugu:

Gure lokalizazioa erakusten duen mobil dat daramagu komuneraino ere.

Gure lagun guztiak ederki erakusten ditugu: whatsapp, facebook, twitter, telefono kontaktuak

Gure ideia politikoak.

Gure erosketak.

Gure negozioak: visa, etab.

Gure intimitatea, osasuna, etab.

Jaun-andreok, offline egotera noa ordu batzutan bada ere, eta bizitza nire azalean sentitzera: