Egutegiak ere Argia Eguna ospatu nahi du Oñatin eta inoiz baino lehenago inprentako buelta egin eta erosi nahi duenarentzat han izango da. Azalean urteroko informazioa izango du 2016ko egutegiak, alegia, santutegia, Seaskak utzitako euskal izendegia, eguzkia, ilargia eta mareak. Atzealdeetan berriz, jakingaiak ugari aurkituko dituzue: historia gaiak, hitzokeiak, etxerako gomendioak, zientzia, baratzea, errezetak eta efemerideak. 9 euro balioko ditu egutegiak.