Azken urteetan Britainia Handian ikusi den desobedientzia zibil ekintzarik handiena bizi du asteotan Londresek. Arrazoia: pasa den urte bukaeran klima aldaketaren aurka neurriak aldarrikatzeko jaio zen Extinction Rebellion mugimendua. Mila lagun baino gehiago atxilotu ditu Erresuma Batuko poliziak protestetan. Denbora agortzen ari da eta matxinatu egin dira herritarrak. Eskola-grebak abiatu zituen 15 urteko Greta Thunberg suediarraren hitzetan, “sistema aldatu beharra daukagu, krisian gaude eta. Eta berehala hasi behar dugu. Gerra baletorkigu bezala”.
Argazkia: Alamy