Joan den igandeko El País Semanalekoa da elkarrizketa: Juan José Millás jarri zuten PRISAkoek Alfredo Pérez Rubalcabaren gona-txakur, Espainiako Barne Ministroaren alde “intimoa” erakutsi guran. Rubalcabaren erantzunetako bat leituta atera zaizkit begiak errailetatik: PSOEra nola iritsi zen galdetzen diote; nolatan, aita alkandora urdinen bandokoa izanda. Ministroak dio eragin handia izan zuela Enrique Ruanoren hilketak, eskola berekoak zirelako. Baina ondoren datorren azalpena da jenialena.
Gero hasten zara irakurtzen, egiten zara kurtsoko delegatu, egiten dituzu zirriak PCrekin, ORTrekin, irakurtzen duzu Bakunin, Kropotkin, ematen diozu laztanen bat anarkismoari eta PSOEn bukatzen duzu.
Horrela, sinple-sinple.
Berak, edo belaunaldi bereko beste politikariren batek idatzi beharko luke eskuliburu bat, txaketa aldatze bizkor horiek prentsari justifikatzen ikasteko, argudio-bide konplexuagoak erabiliz. Liburu-diskoa ere izan liteke: Ramoncín ari omen da kanta didaktiko askoak prestatzen.
1 Iruzkin
Ramoncinen kanten zain nago, antsiaz.
Barka, ezin aguantatu… jajajaja! (alegia, kar-kar-kar)
Gainera elkarrizketan “Kopropkin”(sic) jartzen zuen Kropotkinen ordez. Akaso autore ezezagun horren liburuetan topatuko dugu txaketa aldatzeko sekretua.