Zeri ematen diogu garrantzia?

2017-07-07  //  Sailkatu gabea  //  Iruzkinik ez

Sinbolismoan etzanda nago,

sinbolismoa gutxi lantzen.

Zerbitzariak bezeroa lasaitzen,

klase elkartasuna

dirua uzten badugu alde batera.

Kontatzen ez dena,

diruak sortzen duen guztia

ez da guztiz erreala,

Kasualitatearen zati ulergarria

idazteko dudan askatasuna,

edo baztertuari uzten zaion txoko iluna

oso periferikoa dena.

Lanpostuan hila?

edo lanpostu bila?

Ni naiz diruak sortzen ez duen beste guztia.

80 euroko billetea gainean,

argumentazio isila.

Bakarrik jolastu daitezkeen jolas guztietaz aspertua.

Hiri bateko harri bateko iskina.

WITTGENSTEIN AFORISMOAK. II.

2017-06-27  //  Sailkatu gabea  //  Iruzkinik ez

14. Filosofo iaio eta hasiberriek uxo baten kaka arropan jaso eta onartzeko tresnak dituzte. Filosofo hasiberriak azkar garbituko du bere burua eta segituan bere arazo larriagoekin lanean jarraituko du. Adituak ordea epe batez, izandako lasaitasunaz harro geratuko da, erakutsitako gaitasunarekin gustora.

15. Kapitalaren interesak borrokatu ahal dira edo ez. Kapitala ordea gure interesen aurka eraiki da.

16. Ulermen orok sortzen du erreakzio bat.

Ez ulertuek ere bai.

Erreakzioen azterketan dago gure jolasa eta etorkizuna.

17. Pinturak ez du hitzik, ez du araurik. Hizkuntza desitxuratu egiten du, baina ez da hizkuntza desitxuratu bat.

Errepresentazio bat bada ere, zerbait gehiago ere bada. Zerbait gehiago esaten du, baina ez da hizkuntza bat.

18. Abesti baten barruan beste abesti bat entzun dut segundo batez.

19. Gure garaia ez da aurrekoa guztiz ulertzera iristen. Eta beste asko alboratzen ditu. Nire lagun historialariak triste daude beraien etxeetan.

20. Ideia on batek badu gehiago garatzeko tarte bat. Etxera bidean etxea ikusi dudan momentua, ideia bada, bidaia bukatzean jada etxean sartuz agian ideia ez da. Edo gutxienez ez hain ona.

Ez gara zertan etxera joan.

21. Errealeko futbol zelaiaren erabilera komunala ez dago eztabaidagai. Jarraitzaileek (fededunek) zer ahal dute erabaki? Partidura joan edo ez? Partidura ez badoaz damua existitzen da?

Nik zuhaitzak landatzeko aprobetxatuko nuke espazioa. Zaila izango zen zuhaitzen artean partidu bat jolastea, baina zuhaitzik gabeko zelai horrek ez nau erakartzen.

Niretzat gune oso mugatua da, espezializatuegia. Etxegabeak azken aldian inguruan dabiltza gunea erabilgarri egin nahian. Ez diete uzten. Jabeak erabakitzen du ez erabiltzea erabili daitekeena.

Erabiltzaileek erabakitzen dute beraien ideiak albo batera uztea.

22. Jarrera edo izaera niretzako zerbait oso serioa izan da beti. Duda handiz jokaturiko jokoa. Askotan nire jarrera aztertu dut lortu nahi nituen emaitzekiko, hau da, emaitza horiek izateko jarrera hori izan behar dut? Onartzen dut? Emaitzetan zentratu ordez hau lortzeko ekintza bakoitza aztertu dut. Ume gazte batek ordea alderantziz egiten du dena, helburuek baldintzatzen diote jarrera. Seguraski emaitzekin gustora dago, baina nor da?

Eta Mikel zubitik botatzen bada zu ere atzetik zoaz?

23. Batzuetan borobiletan bueltaka ari naizela iruditzen zait. Segituan lasaitzen naiz, ez dira borobil berdinak. Sorkuntzak darrai.

24. Usteltze fasean dagoen sistema batek kultura erabiltzen du gure aurka.

25. Esan nahi dudana esaten dut, baldin ulertzen den.

Beste zerbait ulertzen bada, hobeagoa izan dadila.

26. Kapitalismoan lanaren banaketa kolektiboa da. Kolektibo horretan egokitzen saiatu ahal gara, baina ez gera benetako kolektibo bat izango.

Momentu honetan bi bizitza eduki beharrean gaude.

27. “Nire lana kaka bat da, baina familia bat dudanez hortan zentratuko naiz”. Soldatapeko lana desagertu zen.

28. Inongo medikurik, ez du inongo estankurik, inoiz erre.

29. Pentsamendua zerbait amaitua gabea da lehen esan dugun bezela, baina beno momentuz bertan bizitzeko balio digu. Gela guztietan ez dago argia, baina gehienetan bai, leihoren bat konpondu behar da, oraingoz…

WITTGENSTEIN AFORISMOAK.

2017-06-26  //  Sailkatu gabea  //  Iruzkinik ez

1.Hartu hitz hauek (edo beste batzuk) nahi duzuna ulertu eta zure bizitzan nahi duzuna aldatu. Ondoren berriz berdina egin beste hitz batzuekin.

2.Begirada baten balioa handia da, begiratzen diogunari balioa ematen diogunean.

3.Hizkuntzak bere mugak ditu.

Nire ezagutza hizkuntzarekiko mugatua da.

Nire adimenak ere mugak ditu.

Etortzen zaizkidan ideia asko horma horien artean errebotatzen geratzen dira. Hormak ez daude beti altuera berean eta errebote kopurua ere aldatzen doa. Batzuk amaieran ateratzea lortzen dute eta beste batzuk lurrean daude indarrik gabe.

Esfortzuak merezi du.

4.Artelan bakoitzak bere iluntasuna eta bere isiltasuna du. Zuloak, gabeziak, dudak, ez ulertuak, ideia ez amaituak,… Arima ez du existitzen.

5.Egitura konplexuetan gaude eta egitura konplexuak sortzen ditugu. Kable nahasi guztiak beltzak dira eta hauek bereizteko lanaren ostean, hauen beharraren galdera dator.

Zer behar dugu eta zer dugu?

6.Konplexutasuna aztertu dugu eta orain hau onartu edo ez erabakitzen ari gara.Parrafo bat idatzi dut eta hau onartzen dudan edo ez erabakitzen ari naiz.

7.Gutxi barru bideo jokoetan errealismoaren gorena joko dugu; igogailu batean sartuko gara eta benetakoa irudituko zaigu eta igoera aspergarria izango da oso.

8.Haur batek bere amari:      zer da hori?

Amak bere haurrari;               hori,…………….………da.

Haur batek bere amari;       zer da hori?

Amak bere haurrari:            zuk zer uste zu?

Haurrak:                                ……………….…………

9.Ez gatoz leku berdinetik, ez gaude leku berean eta ez goaz leku berera, baina elkar lagundu gaitezke bitartean. Esan dizut nire gelara sartu aurretik.

10.Badira gai batzuk, ideia batzuk landuko ez ditudanak, justu momentu honetan zuretzako garrantzitsuak diren kezkak. 10. txorakeria honek ez dizu lagunduko, saiatu zaitez zure arazo horiek gogoratzen (ni irakurtzen hasi aurrekoak)… pentsamendu gehienak beste norbaiten joko zelaian izaten ditugu.

11.Imajinatu labirinto erraldoi bat. Orain hormen ordez ateak ipini. Ateak ireki daitezke beste gune batzuetara igaroz. Labirinto honetan ezin zera galdu, hala ere, beste mila kezka dituzu.

12. Nahasmenduak argitzen nau.

OPERTURA

2016-12-28  //  Sailkatu gabea  //  Iruzkinik ez

Oholtza gainetik

argiak oraindik itzalirik

hauxe esaten zuen idazleak:

Gau basatietako

egurra,

eszenatokira dator,

…basoa…

hemen gauez ezer…

oholtzak irauten du,

nork jaten du zura?

nork jaten du egin

zenuen hura?

nor zara eta noiz arte?

Piramideak eraikitzen

langileak zortzi orduz,

atsedena; arnasa eta ura

egurraren gainean

hitz harrotzak harri,

lan ez kualifikatuak,

kapitalismoaren oinarri

erosketak eta ez hausnarketak,

erosketa ez hausnartuak

kapitalismoaren oinarri

iluntasunean,

eszenatoki ahaztu hauetan kapitalaren disidenteak

zutik

garraxiak

…

burdinezko euriarekin ez dira entzuten…

iluntasunez ditut

hitzak lantzen,

entzun nahi duzuna inun.

iñora

Zulo beltzetan dira bizitzak

eszenatokirik gabe,

atsedenik gabe.

ILUNTASUNARI

2016-09-09  //  Sailkatu gabea  //  Iruzkinik ez

Zereginak geratzen dira hemen barruan,

zereginak egunero,

lana,

nekea, zarata, beroa,

galdategia, meategia, fabrika,…

soldata kaxkarrekin bizirautea,

familia bat aurrera ateratzeko beharra

euria egiten badu aterkia,

eta inori begietara begiratu ez,

hor ez dago diru iturria.

zortzi, bederatzi,… orduz

kobazuloan sartzen gara

era konsziente batean,

eta iluntasuna sartzen da gure barnean,

gure hezurretan nekea,

itzaltzen gara iluntasunean.

egunero…

Platonekin geratzen nahiz eta egunero berandu dator…

zapiak eta hamar dira

eta bitartean

bere kobazuloa

pixkat apaintzen ibili beharko nahiz

harritzarrak

apurtzen

leku pixkat egiten,

nire

kateen soinua bizia da.

bakardean lagun

itxaroten dut

zuloan;

…

ezer ez da betirako

aldatu egin nauen guzti hori nahiz

hemen barnean.

iluntasun bat,

eta ibiltzea ia ezinezko

kontsumo ondasunen artean.

Platonekin geratu nahiz eta berandu dator…

eta bitartean

bere kobazuloa

txukuntzen jarraitu beharko dut

oraingoz

platonen laguntzarik gabe bizi beharko nahiz

(gera)

onartu ezazu oraingoz

guztiaren laurden bat

eta izorratzen jarraitu zaitez,

ihes egiteko eguna iritsi arte.

LE FORGERON

2016-08-31  //  Sailkatu gabea  //  Iruzkinik ez

plaza beterik zegoen

eta herria bertan zegoen, ikasten

eta

behingoz erabakiak hartzen.

esku ugari metala zorrozten

aldaketa handiak,

kaleetan poza.

Luis XVI.-ak lehenengo lerrotik ikusi izan ahal zuen dena…

zutik, txuriz jantzirik,

bere hitzek ez zuen eraginik jada,

barreak, ospakizunak,…

etorkizunerako baldintzak sortzen…

herri osoa goldatzearen saria zen iraultza,

baina tamalez goldatzen jarraitu behar izan genuen

…

lur beltzak gorriz tapatzen ibili ginen berriz ere;

hazietan pentsatzen, zuhaitzak eta sustraiak ahaztuz…

gure etxeak berriz ere sutan…

Orain Felipe VI. dugu

eta herria urbanoa da,

ez dugu ezer goldatzen.

Askatasunik gabeko hirietan bizitzeak

oraindik ez du saririk emanen.

ANTZERKIAK

2016-08-23  //  Sailkatu gabea  //  Iruzkinik ez

Gutxitan hitzegiten dugu argi,

beti gaudelako eszenatoki aurrean

(antzezlanean)

Lurra gogortu egiten da goldatu ezean…

Gizaki argalak

gosez eraikiak

beldurrak, iragan ahaztuak.

Begiratu ezazu segundu batez

oihal gorri handien atzean,

bada bizitza itzalean.

Gorriz erabakiak,

haizea

oihal atzean,

hemen gaude eta ez gera,

eta lanean gabiltza.

…

ume langileak

eta bideak gurutzatuz

joan etorriak.

Koreografiak.

Hierarkiak

agintari krudel edo alferrak,

panpinak.

Omentzen ditugu harriak,

Noski,

inoiz ez hezur hautsiak.

egurrezko hezurrek

oraingoz,

ez baidute irauten.

Ez gara partaide, ez gara aske.

antzezlanetan ez daude

begirada garbiak,

ez dira errealidadez bustiak.

udako koplak

2016-08-22  //  Sailkatu gabea  //  Iruzkinik ez

Udara edo…irribarrez beteriko argazkiak.

hondarraren artean toailak,

azalen dirdira.

Nire ideia guztiak eguzkitan

frigitzen.

udara prekarioa edo…inperialismo turistikoa

ez gara oporretara ohitzen,

ez ditugu ulertzen

uniformiatatearen ohiturak.

Zu ere etorri zaitezke hiri hau erostera.

Bidaiatuz…gauza gehienak ez dira konpontzen.

udara edo… ur gainean mugitzen ez hondoratzeko.

Umeak uretan jolasten, ezer ere ez ulertzeko.

udara; atsedena?

lan neketsuen amaieran?

koma bakoitzaren ostean?

perspektiba garaiak?

eta ondoren berriz itzulera

nora?

zertara?

zertarako?

Goizeko freskotasuna,

arratsaldeko itzalak,

hurbilago zinen udaran,

materialki zu.

ADAGIO II.

2016-08-16  //  Sailkatu gabea  //  Iruzkinik ez

I.

Kablea miaztu zuen

eta hil egin zen,

min gozoa.

II.

Ez da idazten egunero,

baina lasai dago idazlea,

ez baitda bizitzen egunero.

III.

Ez ezazu inoiz idazle batengatik sufritu,

baina ongi dagoela

esaten badizu

ez ezazu sinistu

IV.

Negozio onena,

beti,

lapurreta.

V.

Historian zehar izan dira

pertsonaia interesgarri aunitz,

haien lanak zuretzat inspirazio dira,

askotan beraiekin bizi zerala

amesten dezu.

Batzuetan negar egiten duzu,

ezin izan dituzulako ezagutu.

Ni oraindik banaiz eta ezagutu nahi zaitut.

VI.

Lan uniformeek klase sozialak bereizten zituzten,

proletargoa eta zerriak (jajaja).

Gaur egun uniforme asko ditugu;

lan bakoitzeko bat.

Garaipen estetikoa izan daiteke

eta aldi berean

langileen arteko batasunaren

porrotaren seinale.

VII.

Denbora urrea bada,

petrolioa odola.

VIII.

Nire arazoak ez doaz inora,

nekatu egiak daude.

IX.

Bizitza ezer, inor,

mundua grisa,

ezustekoz betea.

Bizitza errealak

eta aizunak

nahastuak.

MEXIKO

2016-08-07  //  Sailkatu gabea  //  Iruzkinik ez

Lurra falta zaigu,

eskuak baino ez ditugu.

Lurra falta zaigu eta

ezin gara itsasoan bizi.

Hemen geratzeko ideia

babesten dugu,

jabeen izenak esku orrietan idatziak,

sarraskiak,

legeek ez gaituzte eusten,

…ez dute etorkizuna idazten…

eskurik gabeko lurra

izarren argian askatua,

…

eskuak lantzen

geratuko gara

bitartean…

hemen, bitartean, hemen

jaio daitezela izar gehiago

Lurrari lotuak,

lur azpian arbasoak,

gertu,

ez gara aldatu,

ez gaituzte beldurtu,

baina,

ez ireki gauez.