Inspiratua

Atalak: musika kritika

Fitxa: Euskal Herriko Gazte Orkestra. Udako Saioa. Egitaraua: Mahler-en ‘1. Sinfonia ‘Titan’’. Lekua: Euskalduna Jauregia. Data: uztailaren 16a.

Hemeretzi urte bete ditu Euskal Herriko Gazte Orkestrak, eta, adinez nagusia denez, gero eta heldutasun gehiagoz aritzen da. Gure musikari klasikoen harrobi garrantzitsuenak frogatzen du, urtez urte, lan ona eta serioa egiten ari direla eta musikaren etorkizuna bermatuta dagoela gure herrian.

Uda honetako kontzertuen egitarauan lan bakarra aurkitzen dugu, eta oso exijentea: Mahler-en ‘1. Sinfonía, ‘Titan’’ obra, luzea izateaz gain, oso konplikatua da giro asko, eta oso ezberdinak, irudikatzen baititu. Lehenengo mugimendua, ‘Naturako soinu bat bezala’ izenburua duena, oso onomatopeyikoa, garbia eta freskoa da; bigarrena, berriz, ‘Bela zabalik’ izenekoa, dantzari eta jostalaria suertatzen da; giroa erabat aldatzen da ‘Callot-en erara hileta-martxa’ izeneko hirugarren zatian, non ‘Frère Jacques’-en haurrentzako kanon ezaguna erabiltzen den, baina modu minorrean; eta, apoteosia hirugarren mugimenduan dator: ‘Allegro ekaiztsua’-k esnatu egiten gaitu aurreko pasarteen lasaitasunetik. Bortitza, indartsua, baina eder-ederra da sinfonia honen amaiera. Esan bezala, Euskal Herriko Gazte Orkestrak jakin izan zuen, Juanjo Ocon-en eskutik, ñabardura guzti horiek azpimarratzen. Benetan iritsi zen publikoarengana lan honen edertasuna eta mamia.

Bis bezala, ‘danzón’ bat, ezin ederragoa, doi-doia, eta dibertigarria, apaindu egin baitzuten interpretazioa ‘performance’ txiki batekin. Oso atsegina. Zorionak!!