2007-05-24
Asociación Argentina de Apiterapia (AADA) elkarteak antolaturik, asteburu honetan Las Termas de Río Hondo hirian (Santiago del Estero) erleen pozoian oinarritutako terapiez egingo da biltzarra. "Primer Congreso Argentino de Apitoxinoterapia" izenburupean, maiatzaren 25, 26 eta 26an bilduko diren mediku, biokimiko farmazilari eta erlezainek eguneratuko dituzte beren ezagutza eta esperientziak alor hauetan: erle bizien pozoia eta apitoxina injekziotan; aplikatzeko teknikak; apitoxinak hobetzen dituen gaitz eta patologiak; protokoloak, moduak, dosiak, eta beste hainbat xehetasun. Gaur egun erlearen pozoia -batzuetan erlearen eztenkada bizia erabiliz eta beset batzuetan injekzio bidez- gero eta gehiago erabiltzen da Pediatrían, Medikuntza Alopatiko edo "ofizialean", Homeopatian, Mesoterapian, Traumatologian, Akupunturan, eta abar.
Argentinako lehen biltzar honetako zuzendaria Néstor Urtubey medikua da. Argentinako Apiterapia Elkarteko zuzendaritzakoa, Apitoxinoterapia batzordeko burua da. Erleen pozoiari buruzko ikerketa eta liburu erreferentzialak dauzka publikatuta. Bestalde, esan behar da lehendakari Julio Cesar Diaz mediku ezaguna lehendakari duen Argentinako Apiterapia Elkarteak (AAdA) Euskal Herrian baduela ordezkari ofiziala: Luis Mari Intza erlezain tolosarra.
© ARGIA.com