MARTXOAK 3; Oroimena hizpide

Atalak: Bizitza, Elkartasuna, Oroimena

Asteak daramatzat hunkituta,

asteak nire hiriaz maiteminduta.

Madriletik idazten dut,

nostalgiaz bilduta,

nostalgiaz atxikituta.

Beste behin ere Gasteiz

harrotasunez puztu da,

kaleak elkartasunez betez,

filmak oroimenez ernalduz.

Odolez margotu zituzten

eskolak,

odolez,

gure arimak.

Baina berriro ere,

loratu egin gara,

gure hiria goratuz,

berriro ere,

herri borroka barneratuz.

Martxoak 3

“Oroimena, justizia, egia”