Komunitateari beste informazioa iturri bat eman eta teknologia berrien bidean urrats berriak egiteko asmoz, Telegramen ARGIAko kanala sortu dugu. Helbide honetan aurki daiteke: telegram.me/ARGIAeus edo bestela, bilatu “argiaeus” Telegram aplikazioan.
Zer da Telegram?
Telegram mugikorretarako sortutako aplikazioa da, Whatsapp bezala, baina ezberdintasun batzuekin: kanal publikoak sortzeko aukera, irudiak sor daitezke emotikonoen ordez, eta abar.
Mugikorretan, tabletetan eta ordenagailuetan erabil daiteke. iOs, Android eta Windows Phone gailuetarako prestatuta dago, eta ordenagailuan instalatzeko lotura honetan aukera ematen du Linux, Windows eta OS X-rako aplikazioa jaisteko.
Nola erabiliko dugu?
Gainontzeko sare sozialekin egin dugun bezala, esperimentaziorako bide bat ireki nahi dugu. Hasieran eguneko 3-4 albisterik garrantzitsuenak eta azken orduko berriak eta argazkiak zabaltzeko erabiliko dugu.
1 Iruzkin
[…] Astekaria, Mugikaria, Argia, Berria, Azkue fundazioaren egunkaria… Begiratuko ditut. (Egin klik […]