Osasuna futbol taldeak bat egin berri du AHTren aldeko enpresarien plataformarekin. Baina, “kirola eta politika ez dira nahastu behar” ‘koinatuen’ esaldirik gogokoena Bilbon gertatutakoaz besterik ez dugu entzun. 23 hilabetez jarraian estatu genozida batek normaltasunez hartu du parte Eurovisionen, Eurobasketen edota UEFAn eta bere harreman militar, komertzial, kultural, teknologiko eta diplomatikoek bere horretan jarraitzen dute Europan, estatuek Nazioarteko Justiziaren ebazpenei ere muzin eginda. Baina zorionez, herritarrak ausartu dira gobernu ustez demokratikoek egiten ez dutena egitera: ezin dugu genozidioa normalizatu. “Amaierarik tristeena” izan zela zioen Vocentoko egunkaririk salduenak. Gizatasuna eta duintasuna galdutzat ematen ez ditugunon pozerako.
Argazkia: Miguel Toña / EFE
Testua: Axier Lopez