Urtarrilaren 23an metodo berritzaileak erabiltzen dituen karterista bat agertu zen Donostian: argi eta soinu ikuskizun baten bidez publikoa distraitu, eta 660.000 euro harrapatuta ospa egin zuen hiritik. Ez zuen diru guztia batera eraman, ordu erdi iraun baitzuen lapurretak Udaltzaingoaren arabera, eta beraz, begira zeuden herritarren poltsikoetatik minuturo batez beste 22.000 euro atera ahal izan zituen. Ikerketa zabalik dago eta dirutza eskuratu zuen pertsonak Hansel Cereza izena duela filtratu dute iturri polizialek. Era berean, gaizkileak hirian kolaboratzaile sare bat izan zuela baieztatu ondoren, bertako kideen erretratu-robotak argitaratzeko eskatu diote prentsari.