Denak ados daude koalizio soberanistan: “ezpain gorrien iraultza” delakoak funtzionatu du. Zerrendetako lehen postuan emakumeak jartzeak eta kanpainan aldarri feministak sartzeak bigarren postua ziurtatu diote EH Bilduri. “Joder ze inbentoa feminismoa!”, azaldu du koalizioko iturri batek. “Lehenago asmatu behar zuten rollo hau, emakumeak eta kontu hori guztia. Bide honetatik segitu behar dugu, bi potrorekin”. Horrek intersekzionalitatearen ikuspegian sakonduko dutela esan nahi ote duen galdetuta, zera erantzun du gizaseme berak: “Ba hori ya ez dakit, karreteratako kontuak beste kide batek eramaten ditu”.