ARGIAk ere aukera izan zuen euskal hedabide askotan (ia) aldi berean publiko egin den Joseba Sarrionandiaren elkarrizketa honezkero ospetsua argitaratzeko, baina uko egin zuen, “liskarrak saihesteko”. Aldizkariko Harreman Diplomatikoak eta Bake Santua saileko arduradunaren esanetan, “aukera polita zen Sarrirena ateratzea baina a ze gogo gutxi halakoetan sartzea, aldi berean  erlojuari eta beste ez dakit zenbat hedabideren webguneei begira, gin tonic-a hartzeko orduan gainera. Uf, utzi, utzi”.

Bestalde, Estitxu Eizagirre zuzendariaren esanetan, “ez dakit zer pasatzen den azkenaldi hontan Sarrionandiarekin! Urteko esklusiba guk emango dugu: Sarrionandia non zegoen ez zekien bati elkarrizketa”.

Berriak eta Garak Iurretako idazleari eskainitako azalek oso erreakzio positiboak eragin dituzte. “Hori bai azal latza!” izan da komentariorik zabalduena.