Katuek zazpi bizitza ez baizik eta gehiago dauzkatela erakutsi du Felix Guiskas funestarrak, euskararen kontra Iruñean egindako manifestazioan parte hartu zuen felinoak. Baskoiak menderatzen saiatu zen bisigodoetako bat izan zen lehendabizi, hil eta berpiztu zen Karlomagnoren aginpean Iruñea suntsitzeko, Eneko Aritzari pipazalak jaurtitzen zizkion hura kaletik zihoanean, parte hartu zuen Nafarroa Garaiaren konkistan, Abraham Olano ziklistari gurpila zulatu zion Miguel Indurainek 1995eko Munduko Txapelketa irabazi zezan (alferrik)… eta horrela, manifestazio euskarafoboko pankarta eramateko eskatu zioten arte. Pozik agertu da mikrofono aurrean, baina kontziente da hara eta hona bidaia luzea duela oraindik egiteke. “Navarnia asKatu arte ez dut etsiko”, adierazi du.