“Maiatzaren 1a asteazken ustel batean egokitzeak ez dauka ez hanka ez bururik”, azaldu digu Igor Olerkin LAEko sindikalista liberatuak. “Ezin running egitera Pirinioetara joan, ezin manifa ondoren hiruzpalau ardo edan biharamunari beldurrik izan gabe… Bizikletan kilometrotxo batzuk egin ditzaket, Txorieneko nutrizionistaren errezetaren bat egin, Instagramera nire zakurraren argazki pare bat igo… baina hortik aurrera, kia! Horregatik erabaki dut maiatzaren 1eko zubiari formakuntzarako egun sindikalak gehitu eta Kubara etortzea. Autokarabana barkuan sartuta, hori bai, hoteletan lo egitea oso neoliberala da-eta. Gure enkargatua ere, PNVko potrozorri galanta bera, hemendik dabil. Zera, bihar Champions League-ko partida ikustera joango gara elkarrekin taberna batera. #PostAiete garaiak, badakizue…