Bizkaiko Foru Aldundiko izen-erregistroetan pertsonala bikoiztu behar izan dute azken astean, probintziako herritarrak izena aldatzen hasi direlako. Albiste hau idazten ari garen momentuan, dagoeneko 4.673 bizkaitarrek beren izena aldatzeko eskaria dute. Adin eta jatorri ugaritako pertsonak dira, baina denek izen berri berdina aukeratu dute: Athletic. “Jakin nebanean Athletic-ek 15 milioi euro gutxiago pagatuko ebazela Diputaziñoari sudur puntan jarri jakolako, esan neban: ‘Proba egingo dot’. Eta funtziona”, azaldu digu Athletic Zabalgogeaskoak, orain arte Mikel Zabalgogeaskoa izenez ezagutzen zuten Erromoko bizilagunak. “Futbola gutxiago inporta jat untxi baten eperdiko ilajea baino, baie joder, honela edonori pizten jako afiziñoa”, gehitu du Zabalgogeaskoak.