Loreak ez dakienez euskaraz irakurtzen, Gasteizko Udalak “ur-mozketa” bat iragarri arren dutxa beroa hartzen hasiko da, banku bat “margotu berria” dagoela ohartaraztean bertan eseriko da, “ez igo tranbiara hura martxan dagoen bitartean” oharra irakurrita tranbiaren atzetik korrika joango da, eta “kontuz, txakurrak” seinalea ikustean saltxitxoi bokata bat jateari ekingo dio. Eta, bistan denez, Gasteiz bezalako hiri euskaldun elebakar batean, oztopo urbanistiko handia da hori. Horregatik, Beranduegik bat egiten du Lorea bezalako herritar marjinatuen eskubideen alde Ignacio Gallo-Ancho Arabako PPko buruak sustatu duen PPL Pin Parental Lingustikoarekin, denok dugulako eskubidea dutxa beroa askatasunez hartzeko.