Joan den asteko koronabirusaren berragerpenen erdian Osakidetzak informazio gutxiago ematea erabaki ostean, Nekane Murga Eusko Jaurlaritzako Osasun sailburua plastikozko turuta batekin agertu da aste honetako prentsaurrekora. Aurrerantzean kazetarien galderei erantzuteko tresna hori erabiliko duela azaldu du. Hedabideak galdezka hasi direnean aldaketa horren motiboak jakin nahian, Murga barrez lehertzen hasi da, “hauteskundeak irabazi ditugu berriz” esan du, eta gero “tururu-tururu, tururu-tu-tuuuuu” esaten hasi da (baliteke azken honen transkripzioa erabat zehatza ez izatea).