“Joselu Anaiak, Egan, Drindots, Akelarre… Erromeri-giroan dantzarazi gaituzten talde guztiek barkamena eskatu beharko lukete sortutako minagatik. Pandemia honek triskantza eragin badu, izan da urteotan Euskal Herriko plazetan bildu duten jendetzagatik”, adierazi du Africa Bambaataa DJak, Bilboko Fever diskotekatik zuzenean. “Hau bezalako garitoetan ordea gauzak desberdinak dira, jendea ez da hainbeste arrimatzen, besapeko izerdiak PH neutroa du, eta Gotzone Sagardui alderdikideak egoki adierazi duenez, jendea komunera joaten da egin beharrak egitera eta listo, metro eta erdiko tartea beti errespetatzen da… eta kontrol handiagoa dago, poliziak maiz etortzen dira segurtasun-neurriak bete eta materiale guztia, komunean bertan, egokia ote den testatzera…”.