Inork ere ez zuen espero apaiz bat sexu-abusuengatik salatua izatea, eta are gutxiago Eliza Katodikoak salaketa horiek ezkutatzea, “denetan ere erakunde gardenena delako”, Vatikanoko Musika Akademiako kideek azaldu dutenez. Edonola ere, Cesareo Gabarain hernaniar apaiz pederasta saritzea erabaki dute, “musikan egindako ibilbidea eta bizitza pertsonala bereizi behar direlako”. Alegia, “bereizi behar dira artista eta pertsona, bi gauza arras desberdinak, elkarrekin loturarik ez dutenak. Ume batzuk bortxatu zituela, tira, bai, baina altxa dezala eskua bekatutik libre dagoenak. Juntos como Hermanos edo La muerte no es final kanta enblematikoek aitortza merezi dute. Ados, bai, bigarren hori Espainiako Armadak himnotzat hartu eta “Espainiarengatik bizitza eman dutenen omenezko” ekitaldian abesten zuten, baina altxa dezala eskua parrandaren batean horrelakorekin batekin dantzatu ez duenak. Abenduaren 6an jasoko du Gabarainek ohorezko Urrezko Txirula.