“Maskarak, sambodromoak eta Carlinhos Brown batukada eskola itxita, Xuxa bisitatzera joateko oztopoak… Zer eta egunean soilik 3.724 brasildar hil eta 85.938 kutsatzen direlako?! Ze marikoi klase zarete zuek? Inoiz ikusi al duzue Neymar kexaka?”. Asteburuan eman dituen hamalau mitinetako batean haserre hitz egin du herritar guztiak menpean hartzeko eraztuna duen Frodo Bolsonaro presidenteak. “Jendeak ez du Biblia irakurri edo zer?! 365 bider esaten digu ‘ez izan beldurrik’, eta halere, beldurtu egiten gara… Benetan, zein tontoak garen. Birusa putakume galanta delako ari zaretela Paulo Coelhoren antzera negarrez? Ur Handitan-eko aurkezle zomorro horren aurrean zaudetela uste duzue? Ez nauzue ni ezagutzen, ala? Ni naiz birusaren aita, bros, nik esandakoa egingo du nik nahi dudanean”.