2007-04-23
"In vitro" egindako esperimentuetan, frogatu da propoliak ahoko mikrobioen kontrako ahalmena daukala. Pharmacology On Line buletinak plazaratu du Brasilgo Vagner Rodrigues Santos mediku eta irakasleak egindako ikerketa. Horretan ebaluatu da hortz-haginetako gingibitisa edo periodontitisa zeukaten pertsonen gain Brasilgo propoli berdeak egiten duen mesedea. Gaitz horiek lehen fase batean haginen ondoko hortzoiak urratzea ekartzen dute, baina ondoren haginak bezala horien euskarri diren hezurduraren infekzioa dakarte. Emaitzak erakutsi zuen tratamendu honekin %95ean egin zuela atzera gingibitisak, eta tratamenduaren aurretik hortzoiek zeuzkaten poltsatxoak asko txikitu zirela.
Esperimenturako, gaixoek beren hortz-haginak propoliz egindako dentifrikoz eskuilatu zituzten eta ondoren ahoan propolizko soluzio bat erabili. Gaitza fase larriagoan zeukatenei, periodontitisa zeukatenei, xeringa bidez ezarri zitzaien propolizko soluzioa. Esperimentuak 5 aste iraun zuen.
Emaitzak erakutsi zuen tratamendu honekin %95ean egin zuela atzera gingibitisak, eta tratamenduaren aurretik hortzoiek zeuzkaten poltsatxoak asko txikitu zirela. Hortzen eta hortzoien egoera orokorra hobetu zen. Tratamendu honetarako propolia %10an disolbatua erabili behar dela ikusi zen.
© ARGIA.com