Sexismoa: Iazko Gabonetako publizitate kanpainaren datuak
Emakunderi atxikitako Begira ikertegiak 2013-2014eko Gabonetako kanpainari buruz egindako azterketaren emaitza hauek plazaratu ditu. (Hemen ikusgai bideoa). Hauek dira 10 telebista kateetako 186 iragarki aztertuta ateratako ondorioak:
Presentzia:
– Iragarkien %74an neskatilak agertzen dira eta eurak dira iragarki horien hartzaile nagusiak.
– Mutikoak iragarkien %66an agertzen dira
Ematen duten irudia:
– Neskatilak protagonistan diren iragarkien %21ean “pinpirin eta fisikoaz kezkatuta” daudenaren irudia ematen dute.
– Mutikoak protagonista diren iragarkien %22an “gerlariaren edo militarraren” irudia ematen dute.
Zer jostailurekin lotzen dira neska-mutilak:
– Neskatilak protagonista dituzten iragarkien %63etan panpinak eta osagarriak aurkezten dituzte.
– Mutikoak protagonista dituzten iragarkien %50 akziozko figurak eta ibilgailuak aurkezten dituzte.
Teknologia:
– Neskei zuzendutako jostailuen %31k funtzionaltasun elektronikoren bat dute.
– Mutikoei zuzendutako jostailuen %67k funtzionaltasun elektronikoren bat dute.
Koloreak:
– Neskatilei zuzendutako jostailuen %47k arrosa kolorekoak dira.
– Mutilei zuzendutako jostailuen %62ak kolore biziak dituzte.
Eszenografia:
– Neskatilak protagonista dituzten iragarkien %71 barruan eta etxean gertatzen dira.
– Mutikoak protagonista dituzten iragarkien %45 kanpoan eta naturarekin lotuta gertatzen dira.
Musika:
– Neskei zuzendutako iragarkien %68an musika eztia eta lasaia da.
– Mutikoei zuzendutako iragarkien %58k erritmo biziko musika dute.
Offeko ahotsa:
– Neskei zuzendutako iragarkien %61en offeko ahotsa neskatila batena da.
– Mutikoei zuzendutako iragarkien %94en offeko ahotsa gizon heldu batena da.
Leloak:
– Neskatiletan, edertasunari, etxeko lanei eta zaintzari lotutako leloak erabiltzen dira: “Amarik onena izango zara”.
– Mutikoetan, garaipenarekin eta nagusitasunarekin lotutako leloak erabiltzen dira: “Zure trebezia izango da zure aliaturik onena borrokatzeko eta irabazteko”.
Erabat ados nago guztiarekin. Honekin bukatu behar da, nire ustez hezkuntzarekin. Hau egiten dute, panpinekin jolasten duen mutila edo kotxeekin jolasten duen neska homosexuala dela pentsatzen dutelako, eta, berez ez du zerikusirik. Ni neska naiz txikitan panpinekin eta kotxeekin jolasten nuen eta heterosexuala kontsideratzen naiz. Gainera, homosexuala izatea ez du ezer txarrik. Kasu honetan, matxismoa sustatuz gain, homofobia ere sustatzen da. Helarazten den mezua hau da (adibidez): ”zu neska zara eta kotxeekin jolasten baduzu, homosexuala zara, eta beraz, gaiztoa’.
*homosexuala edo bisexuala esan nahi nuen.
Mila esker apunteagatik! Ados naiz, egunerokoan markatzen diren arau eta debeku askoren atzean homofobia ezkutatzen da.