Onaren zaldiak badaki mantxo joaten ere
Txapelketa imajinarioei ekiten dio lau urteko ahalguztidunak:
– Nor da indartsuagoa, Pipi Kaltzaluze edo ni? Akiles edo aitatxo?
Eman eta ekin lehia imajinarioei.
– Nork irabaziko luke, aitatxok bere zaldi beltzarekin, edo nik nire zaldi mundukoazkarrenarekin? -esan beharrik ez dago, zaldiak ere balizkoak dituela, baserri imajinarioan bizi dituenak.
– Aaaa… munduko azkarrena bada, zuuuk!
Bi zentimetro hazi da komunean eserita dagoen kakanarrua.
– Baina… nik zure zaldi mundukoazkarrena hartzen badut gauez, eta hurrengo goizean zure aitari lasterketa jokatu, nork irabaziko du? nork?-tranparekin bizkor sentitu da heldua.
– Nire aitatxok! Nire zaldiak zu mantxo eramango zaitu eta! ez zaitu ezagutzen!
kar-kar-karrr!! baten ona “Lateral thinking” hori.
eta ze ona umeen aurreritzi, “marko” eta abar eza. Helduok ez gara gai holango itaunari era horretan erantzuteko.
Mila esker BF. Ados bai, hauei logikan irabazterik ez dago…