Eneko Lazkoz txapeldun Pello Errota Sarian

Atalak: Bertsolaritza

Urriaren 20an jokatu zen Asteasuko Iturriondo ostatuan Pello Errota sariaren finala. Asteasuko Udalak eta Harituz Bertsozale Taldeak antolatu dute, Pello Errota jaio zela ehun urte betetzera doazela eta, egiten ari diren ekimenen baitan. Ehundik gora entzule izan ziren saioan eta hauek aritu ziren kantuan: Unai Gaztelumendi, Asier Azpiroz, Beñat Lizaso eta Eneko Lazkoz. Hasierako agurrean hiru gipuzkoarren kontra arituko zen nafar modura aurkeztu zuen bere burua Eneko Lazkozek, eta berak kantatu zuen txapeldunaren agurra ere (bideoa ikusgai). Beñat Lizaso geratu zen bigarren, eta biak buruz buru aritu ziren finalaren azken txanpan.

Lau bertsolariak hasierako agurra kantatzeko unean. Saioak izan zuen gatzetik eta mamitik.

Bi sari, Elizegitarren ondorengoek emanak

Bi sariak irabazi zituen Eneko Lazkozek: Pello Errota sariketako txapela, Pello Errotaren birbilobaren eskuetatik jaso zuena. Eta bertso onenaren saria, Mikaela Elizegi garaikurra, Mikaela Elizegiren besoetako bilobaren eskuetatik jaso zuena.

Pello Errota sariketako txapela jantzi berritan.

Mikaela Elizegi saria jasotzen.