Jazz Zaharrean, aperitifa moduan
Gasteizko Jazzaldiaren aperitifa izango dugu laister, uztailaren 5etik 12rarte, Gasteizko alde zaharreko hainbat taberna eta aretotan. Belarriak berotzeko aukera paregabea, jarraian doakizue honen berri Hirineteko lagunek eskaintzen diguten informazioa:
http://www.hirinet.net/kultura/berriak/jazzaharrean-alde-zaharreko-jazz-jaialdia
Txalogarria dira, ene ustez, ekitaldi hauek eta aipamen berezia merezi dute. Gainera, Jazzaldiaren astetik kanpo, astebete lehenago, egitea ona da, behintzat aukera ematen du horietaz lasai gozatzeko.
Datorren astetik aurrera saiatuko naiz aztertzen aurtengo Gasteizko Jazzaldiaren programa tristea. Krisi ekonomikoak jota omen dagoen jaialdi honek ez du bereziki ilusioa erakartzen, ez. Paco de Lucia Goreneko Jainkoa izan ezik (hori ikusteko soilik pena mereziko luke abonu bat ordaintzeak) eta artista batzuk (Ibrahim Malloufa, Jacky Terrasson, Antonio Sanchez) kenduta, ilun koloreaz tindatutako jazzaldia dugu Gasteizkoa. Aurreratzean, lasaiago, sakonduko dut arazoan, baina ez, gaixoak ez du aurpegi goxoa.
Asteburuan Bartzelonara noa, nire gustoetatik erabat aldentzen den artista baten ekitaldi bat ikustera. Horren berri ematen saiatuko naiz, zeren eta nahi baitut normalean egiten ez dudan gauza baten inguruan – gustokoa ez dudan edo ulertzen ez dudan artista edo talde baten ekitaldietara joatea- burutazioak azaldu. Ikusiko dugu nola ateratzen zaidan esperimentoa.
Eta hik zer jotzen duk ba?
Egun askotarako, Gorka! Hire arrastoan ibiliko gaituk.
Kaixo JJ. Nik adarraren bat jotzeaz gain, ezer gutxi, bakarrik entzutera ematen duk aisialdia. Hemen aurkituko nauk¡¡