HArRo berri baten atarian

Atalak: (C)politika

Bernardo Atxagaren “Lehia lexikoan ikusten dut, jar ditzagun hitzak behar diren tokian” esaldia gogoan, eta bihar hautatuko den Ajuria Eneko inkilino berriaren aiduru, honatx digresio batzuk.

Partido Socialista Obrero Español (PSOE), halaxe du izena. Baina hara, demokrazia aro honen 30 urteetan –ez obrero ez español– bere kideek “Gu sozialistok” (Los socialistas edo les socialistes) lema ahokatzen dute, eta halaxe han-hemenka ederki doitu ere: Sozialistak. Sozialistak eta haiek bakarrik! Horrela: A secas! Besterik ez!

Eusko Alderdi Jeltzalea/Partido Nacionalista Vasco (EAJ/PNV), halaxe du izena. (Jeltzalearena bego hurrengo baterako). Bere kide batzuek “Gu nazionalistok” lema egin dute bere (los nacionalistas, les nacionalistes). Azkuna, Bilbao, Agirre, Uria, Anasagasti, Arandia… Nazionalistak? Lopez, Basagoiti, Ares, Oyarzabal, Prieto, Quiroga, Egiguren, Iturgaitz, Espilondo edota Maitiaren artean ikusi eta… Nazionalistak? Bada bai! Denak! Den-denak nacionalistas edota nacionalistes, prefosta.

Hirugarren lema: “Borroka da bidea”. Lema honen aldarrikatzaileak ez aipatzea hobe, ezta? Alors, attention Garçón estar en al arcón! Borroka da bidea, baina hara, borroka mota eta honen norabidea ez da zehazten. Adjektiboak ez, objektiboak du munta. “Munta tanto tanto munta, Isabel como Fernando”. Y va mutando! 30 urtetan, “akzio-errepresio-akzio” delakoa “errepresioa ez da bidea” leloa bilakatu da.

– Hi lasai!– diostazu barne satorrak.

“Hamar urte gehiago (30 + 10), eta berriz ere, 40 urtealdi glorioso haren ostean legez: trantsizio berria. La trancisión. Afera tranche-tuko dela, camarada. Trankil! Tranchée, reglée, trenkatua, konpondua… Konpondu, konpondu ez, baina arreglatuko edo arrainatuko da.

Hara, behin kontu kontari hasi, kantu kantari finitu nahi dut:

– “Gu euskaraz, zu zergatik?…”. “Gu euskaraz, zu…”

“Nosotros tampoco!” (Quiroga) “Moi non plus”… (Espilondo)

– “Euskalduna naiz eta, Euzkadi dut maite…”

“Beste bat, beste bat…” (Azkuna, Bilbao, Agirre…)

– “Jaio naiz libre izateko eta ez loturik egoteko”.

(Kar, kar, kar)

Asurmendi, dit Gezurmendi

P. S.: Atx! Katxis! Eta Partidu Popularra? (PP) PP ahaztu zait. Hara! 30 urte eta gero, Euskal Herriko udaltzaina eta Ajuria Eneko giltzaina bilakatu da. Trantsizio berria prestatzeko ezkilazain. Pepe, horra “gure” kanpai-jole eta kanpai-jotzaile galanta!