Fútbol es fútbol

Atalak: (C)politika, (D)kulturgintza, Kirola

“Fútbol es –mucho– fútbol”

“Fútbol es fútbol” Vujadin Boškov serbiarren esaldia da. Besteak beste, Real Madridekin Espainiako futbol liga irabazi zuen entrenatzaile ohia.

“Baloia batzuetan sartzen dela eta bestetan ez” aditzera eman nahi zuen “Fútbol es fútbol” delakoarekin.

Aste honetan–larunbatean– jokatuko den Champions League finalean ez da Bartzelona izango–ez Real Madrid ere– eta defentsako futbola lantzen zuen Vujadin Boškov entrenatzailearekin oroitu naiz.
“Punto es punto“ ere esan ohi zuen Vujadin Boškovek.
Gaur egun baina, enpatea emaitza kaxkarra da futbolean:   “Fútbol es –mucho– fútbol“.
Oroit dut ere, Bartzelona nola iritsi zen iazko Champions Leagueko finalera: erdi-finalean Andres Iniestak azken minutuan gol egin ostean. Aurtengoan berriz, Bojan Krkić-ek (aita serbiarra du, hara) gola sartu zuen, lehenxeago baina, epaileak Yaya Tourék  baloia eskuz jo izana zigortu zuen: “Fútbol es –mucho– fútbol“.
Oroitu naiz ere Helenio Herrerarekin, besteak beste, Milango Inter eta Bartzelonako entrenatzaile izan zenarekin, futbolean hamar jokalarirekin hobeto jokatzen zela zioenarekin. Eta hara, azken erdi-finalean Interek Barça hamar jokalarirekin kanporatu zuela gogoratu zait: “Fútbol es –mucho– fútbol“.
“Fútbol es fútbol“, eta Calcio ez da Premier League. Galdetu bestela Bilardori. Leo Messik lau gol sartu zizkion Arsenali, Pep Guardiolaren lana magia bihurtzen duen egungo futbolari Erregeak. Baina “Cattenacio è Cattenacio”. Autobusa, alegia. Eta autobusean, berbarako, Marco Materazzi bidaiatuz gero, ez magiarik ez gupidarik: “Fútbol es –mucho– fútbol“.
Bego!
Grezia antigoalean Kultura eta Kirola berbak sinonimoak omen ziren. Egun, garai post modernotan –postmoddelñotan– Kultura eta Kirola bereizi dituzte/ditugu hedabideek. Adibidez, egunkarietara jo eta…: kultura atal bat da eta beste bat kirola. Munduak jada ez dauka –ekonomikoki eta “kulturalki”– zutik irauterik eliteko kirolarik gabe. Eta kirolean futbola errege: “Money is money”.
Bestela, galdetu greziarrei: “Ευρώ σε ευρώ είναι πολύ”. Hots, “Euro es –mucho– euro”.

P. S. (1): Joseba Etxeberriaren berbak Berrian. “Argi daukat: nahiago dut Athletic Bigarren B Mailan Athletic izanda, atzerritarrekin titulu bat lortzea baino”.
Lasai Joseba: Bigarren B Mailan jokatzeko Alaves dago. Eta  Bigarren Mailan Reala eta Osasuna, txandaka.

P. S. (2): Eta astelehenean ETBn Oscar Terolen Uyyyy saioa.
Y que viva España! Que viva, pero que viva más lejos jodé!