Jonan Fernandez eta negoziazioa

Atalak: (C)politika, Hezkuntza

Jonan Fernandez, Baketik zentroko zuzendaria

Lurraldea, Elkarri, Lokarri eta Baketik. Horra lau mugarri Jonan Fernandez tolosarraren ibilbidean.
Hendaiatik Arantzazurainoko bide egin nuen orain pare bat aste. Jonan Fernandezen Pertsona izaten hezi liburuko ikaskuntzak barneratuak neramatzan. 
Hitzek munta handia dute Baketik zentroaren zuzendariaren ibilbidean. Eta halaxe ageri ere bere liburuan. Esaterako, negoziazio hitza eta Jonan Fernandezen jarduera betidanik lotu ditut.

“Euskal gatazka” delakoa burutik ezin uxaturik neraman eta elkarrizketaren une batean, “negoziazio” hitza kutsu gutxiesgarririk ez ote daukan azaldu nion.

Hona bere iritzia:

“Negoziazioaren arazoa hau da: bi abiapuntutik hasten gara negoziatzen, gure mugak eta akatsak erraz ulertzen eta barkatzen ditugu, baina besteekin oso gogorrak eta exigenteak izaten gara. Negoziazioa gure gainean proiektatzen dugun exigentzia mailaren –edo idealaren– arabera planteatzea akatsa da. Gure izaera mugatua eta negoziazioa oso lotuta daude”.